Francesa Junod
professora de SVT, tecnologia,
matematicas
e istòria-geografia
mon percors soi franco-soïssa ; passèri
una partida de mon enfància en Soïssa romanda, mas estudièri a Bern en Soïssa
alemanda. Soi professora de las escòlas, seguiguèri lo cursús d'APRENE, que
baileja la formacion iniciala dels regents de Calandreta.
Dobriguèri la calandreta d'Alès, n'èri la directritz, puèi
ensenhèri pendent un detzenat d'annadas a la calandreta de Ginhac, que
dirigiguèri tanben, abans de rejónher la còla del collègi 5 ans a.
cossi descobriguèri Calandreta malgrat
d'estacas lengadocianas (pichòta enfància a Pesenàs), coneissiái pas l'occitan.
Mas en Soïssa èri sòcia d'un grop de pifres e tamborns. E aguèri l'escasença de
participar a un rescontre amb de pifres e tamborns lengadocians. Aital, me
metèri a aprene l'occitan per comprenen los tèxtes de las cançons
qu'interpretàvem.
mos projèctes aqueste an, voldriái tornar
trabalhar las cenchas de responsabilitat amb los collegians e Laurenç (del
CDI). Vau seguir lo projècte Comenius. E coma cada an dempuèi que trabalhi dins
las calandretas, vau participar a la preparacion del recampament regional de
las calandretas a Bessilhas, amb de collègas de las escòlas primàrias.
Aucun commentaire:
Enregistrer un commentaire