Lo dissabte lo 31 de març de 2012, èra la granda manifestacion a Tolosa per defendre la plaça de l’occitan e de totas las lengas regionalas de França. Al meteis moment, i aviá de manifestacions dins una desenada de vilas (coma Nantes pel Breton o Perpignan pel Catalan).
La manifestacion foguèt un succès important : 30 000 personas de l’occitània tota son vengudas dins las carrièras de Tolosa. Lo moviment Calandreta èra ben present. 27 familhas del collègi se son tornadas trapadas a Tolosa que sián professors, collegians, animators e/o parents...
Lo collègi aviá reservats 2 buses talament qu’èran nombroses amb los estudiants del MED’OC. Pas besonh de vos parlar de l’ambient festiva que gropa totas las generacions. A l’arribada, descubrèm los 30 000 manifestants sus la « Plaça del Capitòl ». Aprèp la manifestacion, una partida dintra… màs la jornada es luènh d’èsser acabada. S'esperlonga tot la serada amb de concerts de tot un fum de grops occitans coma Lo còr de la Plana e Nadau…
Descubretz aquesta bèla jornada en fòtos !!!
Aucun commentaire:
Enregistrer un commentaire